Welcome - Faton Bislimi

Text Box: Mirëseerdhët!

Kjo është faqja zyrtare e Faton Bislimit, Kandidat i Pavarur për Kryetar të Komunës së Gjilanit. Përmes kësaj faqe do të keni mundësi të njiheni më mirë me Fatonin dhe të kuptoni pse ai është kandidati i duhur për Kryetar të Komunës së Gjilanit. Këtu mund të lexoni edhe mesazhin e tij për ju si dhe të mësoni për aktivitetet e fundit të kësaj fushate.

Ndërkohë, nëse keni ndonjë pyetje, koment, apo doni t’i bashkoheni fushatës sonë për të bërë Faton Bislimin Kryetar të Komunës së Gjilanit, për të sjellur një lidership të frymës amerikane, për të bërë Komunën e Gjilanit shembull për zhvillim dhe përparim, për t’i siguruar një të ardhme të sigurtë rinisë dhe fëmijëve gjilanas, mos hezitoni të kontaktoni me zyrën tonë elektorale apo të na shkruani në fushata@gjilan.org.

Fjala Hyrëse

Të nderuar banorë të Komunës së Gjilanit,

Më 17 Nëntor, ju edhe njëherë do të gjendeni para kutive të votimit për të ushtruar njërën prej të drejtave themelore njerëzore dhe instrumentin primar të demokracisë – votën tuaj të lirë. Unë e kuptoj fare mirë se një pjesë e konsiderueshme e gjilanasëve sikur edhe kosovarëve në përgjithësi ndjehen indiferentë ndaj vlerës së votës së vet, dhe bile shpeshë shprehen edhe për mosdalje në zgjedhje. Ju keni të drejtë të jeni të zhgënjyer. Keni të dre
jtë të jeni të brengosur për të ardhmen tuaj. Keni të drejtë të jeni të pakënaqur me qeverisjen tuaj lokale të deritashme. Mirëpo, mënyra e vetme që të ndryshoni gjërat për së miri është që votën tuaj ta hedhni me kujdes kësaj rradhe.

Ju e dini së në këto zgjedhje do të keni mundësi që të votoni për një parti dhe për dhjetë kandidatë të asaj partie si për parlament ashtu edhe për kuvend komunal. Prandaj, ju inkurajoj të votoni njerëzit që ju i njihni për integritet, karakter, dhe profesionalizëm brenda partisë suaj favorite. Mirëpo, ju inkurajoj që me shumë kujdes të votoni edhe për kryetarin tuaj të komunës. Zgjedhni individin që ju më së shumti i besoni se ka mundësi të përmirësoj jetën e gjilanasëve. Zgjedhni njeriun që do ta ketë më se lehti për të sjellë profesionalizëm dhe efikasitet në qeverinë tuaj komunale. Zgjedhni atë që kërkoni për cdo ditë – një gjeneratë të re, një lider të ri të pakorruptuar, me arritje akademike dhe profesionale, me orientim dhe përkrahje nga miqtë tanë më të mëdhenjë – nga SHBA-të. Zgjedhni njeriun që të vetmin qëllim ka interesin e qytetarit dhe jo interesin partiak apo grupor. Zgjedhni njeriun që ua respekton bota. Votoni për kandidatin që si kryetar do ta bëjë Gjilanin shembull për së miri për të gjithë Kosovën.

Unë jam shkolluar në SHBA dhe kam fituar përvoja shumë të rendësishme atje—duke përfshirë edhe punën time në Kongresin e SHBA-ve, si dhe kam krijuar lidhje të pakontestueshme me personalitetet më me ndikim si në sferën politike ashtu edhe në atë ekonomike të Amerikës. Këto i kam arritur më punë serioze, dinjitet, integritet dhe karakter personal, dhe mbi të gjitha me përkushtim të thellë ndaj vendit tim. Prandaj, tani jam kandidati juaj për kryetar të komunës. Unë jam i pavarur, por nuk jam i vetëm – jam me ju, me të gjithë ju pa dallim përkatësie politike.

Më jepni besimin dhe me te përgjegjësinë që ta bëjmë Gjilanin një qytet perëndimor me mundësi përparimi për rininë, me infrastrukturë të denjë, me shkollim adekuat, me shëndetësi dhe shërbime publike moderne, me përkujdesje të veçantë ndaj të moshuarëve dhe atyre në nevojë, si dhe me zhvillim ekonomik si industrial ashtu edhe rural (për fshatrat), përmes sjelljes së investimeve të huaja, e vecanërisht atyre amerikane në komunën tonë. Prandaj, me ju, së bashku ne mund ta bëjmë Gjilanin ashtu sic e meritojmë.

Zoti u dashtë shëndet dhe lumturi në jetë. Zoti ju bekoftë juve, familjet tuaja, si dhe më të dashurit tuaj.

Me respekt,

Faton H. Bislimi
Kandidat i Pavarur për Kryetar të Komunës së Gjilanit

Aktivitetet e Fundit

DioGuardi ne Gjilan per te vertetuar perkrahjen e SHBA-ve per Faton Bislimin

Kumtesë për Shtyp: Shpallja e Kandidaturës së Faton Bislimit (Bota Sot / Zëri)

Kumtesë për Shtyp: Bislimi merrë pjesë si ligjerues dhe panelist ndërkombëtar në konferencën ndërkombëtare mbi etnicitetit, shoqërinë civile, dhe politikat publike në Winnipeg të Kanadasë

Intervistë për Infopress / Kosovapress

Intervistë për Kosova Sot

Text Box: "Tubimi Perfundimtar dhe Koncerti me Nora Instrefin"

"Broshura e Fushatës"

Fondacioni
The Bislimi Group
“Duke ndihmuar në realizmin e ëndërrave”
www.bislimi.org